«Ամերիկայի ձայն»-ի տնօրեն Մայքլ Աբրամովիցը շաբաթ օրը ֆեյսբուքյան իր էջում գրել է, որ 83 տարվա մեջ առաջին անգամ լռեցվում է Ամերիկայի ձայնը:
Նա հայտնել է, որ իրեն արձակուրդ են ուղարկել 1300 մարդուց կազմված ողջ անձնակազմի հետ միասին:
««Ամերիկայի ձայնն» այլևս չի կարող իրականացնել իր կենսական առաքելությունը: Այդ առաքելությունը հատկապես կրիտիկական է այսօր, երբ Ամերիկայի հակառակորդները, ինչպես Իրանը, Չինաստանը եւ Ռուսաստանը, միլիարդավոր դոլարներ են ծախսում Միացյալ Նահանգներին վարկաբեկելու կեղծ պատմություններ ստեղծելու համար»,- գրել է Մայքլ Աբրամովիցը:
Այս հայտարարությունը հնչել է այն բանից հետո, երբ ԱՄՆ նախագահ Դոնալդ Թրամփը ստորագրել է հրաման յոթ գործակալությունների, այդ թվում՝ Գլոբալ մեդիայի գործակալության գործունեությունը դադարեցնելու մասին։ «Ամերիկայի ձայն»-ը Գլոբալ մեդիայի (USAGM) մի մասն է։
