Aravot.am-ի տեղեկություններով, մարտի 11-ին ոստիկանության Ապարանի բաժնում ստացված օպերատիվ տվյալներն իրացնելիս պարզվել է, որ Ապարան քաղաքի թիվ 1 հիմնական դպրոցի տարրական դասարանի ուսուցչուհի Թ. Թ.-ն 2023-2025 թթ. ընթացքում բնակվել է Ապարան քաղաքում, սակայն Ապարան քաղաքի թիվ 1 հիմնական դպրոց է ներկայացրել տեղեկանքներ, որ 2023թ. հունվարից մինչև 2025թ. հունվար ամիսն ընկած ժամանակահատվածում բնակվում է Երեւանում: Ըստ նույն աղբյուրի, վերոգրյալ տեղեկանքների հիման վրա նա ՀՀ պետական բյուջեից ստացել է ընդհանուր 357.200 դրամ ճանապարհածախսի գումար:
Կազմված փաստաթղթերն ուղարկվել են Քննչական կոմիտեի Ապարանի քննչական բաժին:
