Aravot.am-ի տեղեկություններով, մարտի 12-ին ոստիկանության Շիրակի մարզի օպերատիվ կառավարման կենտրոնից հաղորդում է ստացվել այն մասին, որ «ԱՆԻ» ԲԲԸ ֆինանսական տնօրեն Մեսրոպ Մանուկյանը հայտնել է, որ իրենց սեփականության նկատմամբ առերևույթ հանցագործության կազմակերպում է տեղի ունեցել, ինքնիրավչության նախապատրաստում է գնացել:
Ըստ նրա հաղորդման, հիդրոէլեկտրակայանի գլխամասից Շիրակ ջրօգտագործման (ՋՕ) ընկերությունն իրենց սեփականության մեջ ռեդուկտորներ են տեղադրել, ջրի հոսքը փոխելու նպատակով, որոնք պատրաստվում են ապամոնտաժել: Նաեւ հաղորդում է տվել, որ ՋՕ-ի աշխատակիցները ընկերության սեփականություն հանդիսացող «Ամասիա» ջրանցքի գլխամասում առանց թույլտվության տեղադրել են ռեդուկտոր ու հրաժարվել ներկայացնեն իրավական հիմքերը:
Մեսրոպ Մանուկյանի գնահատմամբ՝ «Շիրակ» ՋՕԸ-ի կողմից տեղի է ունեցել ինքնիրավչության նախապատրաստում, քանի որ հաջորդ քայլը լինելու էր ջրագողությունը, որի արդյունքում տեղի կունենար պետության բնական ռեսուրսների չարաշահում, ինչպես նաեւ ընկերությանը կարող էր հասցվել միլիոնների վնաս:
Դեպքի վայր է մեկնել է բաժնի պետի տեղակալ Սարգսյանը: Կազմված փաստաթղթերն ուղարկվել են ՀՀ հակակոռուպցիոն կոմիտե:
Լուսանկարը՝ Հետքի
