Aravot.am-ի տեղեկություններով, մարտի 6-ին ոստիկանություն է զանգել Ա. Ս.-ն, հայտարարել, որ լավ չեն աշխատում, հնչեցրել է սպառնալիքներ եւ սեռական բնույթի հայհոյանքներ ոստիկանության ծառայողների հասցեին, ասել է, որ գալիս է պայթեցնելու:
Նույն օրը ՀՀ ՆԳՆ ոստիկանության օպերատիվ կառավարման կենտրոնից նաեւ հաղորդում է ստացվել, որ իրենց զանգահարած Ա. Ս.-ն հայտնել է, որ ոստիկանության Արաբկիրի բաժնի 10 ծառայողներ են մոտեցել իր բնակության հասցե, չգիտի ինչի համար, հետապնդում են իրեն և ինքը ուղիղ եթերով ձայնագրում է: Ըստ նույն աղբյուրի, նույն քաղաքացին զանգել է նաեւ Արաբկիրի բաժնի պետի տեղակալին, ասել է, որ նա թույլ է տալիս ավելորդություններ, հնչեցնում հայհոյանքներ՝ մուտք գործելով անձնական կյանք:
Ոստիկանության Արաբկիրի բաժնի պետի տեղակալը զեկուցագիր է ներկայացրել, որ իր անձնական հեռախոսահամարին է զանգահարել Ա. Ս.-ն, հնչեցրել հայհոյանքներ եւ սպառնալիքներ, որից հետո SMS հաղորդագրություններով հայհոյանքներ և սպառնալիքներ է ուղարկել:
Հաղորդումը եւ կից փաստաթղթերը փոխանցվել են քննչական բաժին:
