Գրող, հասարակական գործիչ, «Վետօ» նախաձեռնության հիմնադիր Նարեկ Մալյանի ֆեյսբուքյան գրառումը
Հարգելի Բագրատ Սրբազան, Ձեր այսօր հրապարակած տեսանյութից տպավորություն ստացա, որ նախապատրաստվում եք չարիքի իշխանության դեմ փողոցային պայքարի:
Ես քաղաքական գործիչ չեմ՝ սովորական ցուցարար եմ, մեկը այն հազարավորներից, որը 7 տարի է՝ մասնակից է պայքարի բոլոր հնարավոր եղանակներին:
Հետևաբար վերջին 7 տարիների պայքարի անարդյունավետության տեղ-տեղ դառը փորձը հաշվի առնելով, կան որոշ հարցեր, որոնք կարիք ունեն նախապես հրապարակային բարձրաձայնման հատկապես այն պատճառով, որ անխտիր բոլոր տապալված պայքարների պատասխանատվությունը վերջում դրվում է մեզ՝ ժողովրդի վրա:
Կարդացեք նաև
Հարցերը հետևյալն են՝
- Ո՞ր եղանակով եք պատրաստվում իրականացնել իշխանափոխություն՝ հրաժարականի պահանջ, թե՞ իմփիչմենտ:
- Եթե իմփիչմենտ՝ կխնդրեինք մինչև փողոցային պայքարի կոչ անելը հրապարակել իմփիչմենտի պատրաստ փաստաթուղթը առնվազն մեկ պատգամավորի ստորագրությամբ:
- Ունե՞ք արդյոք փողոցային պայքարի քայլ առ քայլ ծրագիր՝ հրապարակ դուրս գալուց մինչև չարիքի իշխանության հեռացում, եթե այո, ապա խոնարհաբար խնդրում եմ հրապարակել այդ ծրագիրը:
Հուսով եմ հարցերիս հանդգնության համար ներողամիտ կլինեք, բայց խնդրում եմ՝ մեզ էլ հասկացեք: Նախորդ պայքարների խաբված փորձը ցույց է տվել, որ չի կարող լինել փողոց դուրս գալու որոշում առանց վերոգրյալ հարցերի նախապես հստակեցման:
