Լրահոս
Օրվա լրահոսը

Ռուբեն Մելիքյան. «Մեղադրանքի վկայի ցուցմունքների պայմաններում ես ուղղակի չեմ պատկերացնում, թե ինչպես կարելի է այս քրեական հետապնդումը շարունակել»

Մարտ 14,2025 23:40

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Պատասխանելով հարցին, թե ինչու հավասարության սկզբունքը չի պահվում. մի դեպքում թքում են քաղաքացու վրա՝ գործ չի հարուցվում, մյուս դեպքում ժեստերով են հասկացնում՝ գործ չի հարուցվում, բայց արցախցի 71-ամյա Ալբերտ Առստամյանի գործով (խնձորի գործ) արագ արձագանք եղավ, դատական նիստերի դահլիճ սովորական քաղաքացու կարգավիճակով եկած իրավապաշտպան Ռուբեն Մելիքյանը ասաց. «Առաջին դեպքը չի: Մեր երկրում խտրականության փաստը հաստատված կարելի է համարել տասնյակ ու տասնյակ օրինակներով:

Նույն դատարանում երեկ մենք մեկ այլ նիստի էինք եւ նույն կերպ խոսեցինք խտրականության մասին: Սկսեմ լուսահոգի Արմեն Գրիգորյանի գործից, երբ որ նույն շրջանում ինչ ասես չէին ասում, եւ միայն Արմեն Գրիգորյանի նկատմամբ կիրառվեց այդ խայտառակ քրեական հետապնդումը, որն սկսվեց արժանապատվությունը նվաստացնող ձերբակալմամբ: Մյուսները, որոնք իշխանության կողմից էին, որեւէ քրեական հետապնդման չենթարկվեցին, բացառությամբ մեկ անձի, որը ենթարկվեց ձեւական քրեական հետապնդման: Այն էլ այն բանից հետո, երբ որ Արմեն Գրիգորյանը արդեն ողջ չէր: Բոլոր մնացած դեպքերում կարող ենք այս նույն փաստարկը բերել:

Ինչ վերաբերում է այս գործին, դա անձամբ իմ համար, իրավապաշտպանների կազմակերպության իմ գործընկերների համար սկզբունքային հարց էր: Մենք առաջին օրը այցելել ենք պարոն Առստամյանին, Ռոման Երիցյանի հետ էլ կապ մեջ ենք եղել: Եթե կարիք լիներ, մենք կներգրավվեինք: Բայց որեւէ կարիք չկար: Բոլորս տեսանք, որ բարձր պրոֆեսիոնալիզմով Ռոման Երիցյանը իր փաստարկները ներկայացրեց թե դատարանին, թե հանրությանը:

Ես որպես այնտեղ նստած քաղաքացի, ուզում եմ հատուկ ուշադրություն դարձնել մեղադրանքի վկայի ցուցմունքներին: Այդ ցուցմունքների պայմաններում ես ուղղակի չեմ պատկերացնում, թե ինչպես կարելի է այս քրեական հետապնդումը շարունակել: Ես անկեղծ հույս ունեի, որ մեղադրանքից ուղղակի կհրաժարվեն: Գոնե մի դեպքով դատախազությունը մեղադրանքից հրաժարվեր, որ տեսնեինք, որ այդ գործիքը նույնպես աշխատող է, որովհետեւ դատարանում էր տրվել, այլ ոչ թե նախաքննության ընթացքում»:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ    
 12
3456789
10111213141516
17181920212223
24252627282930
31