«Անցած անգամ փաստաբան Օրբելյանը, եթե չեմ սխալվում, նկատողություն է ստացել դեմքի արտահայտության համար, ես նկատողություն եմ ստացել ձեռի շարժման համար: Շատ կցանկանայի, որ այս դատարանը կանխատեսելի դատարան լիներ: Չեմ ցանկանում նկատողություն ստանալ: Չեմ ցանկանում սանկցիաներ կիրառեք իմ փաստաբանի նկատմամբ, որովհետև դուք կարող է 3 անգամ կիրառեք, հետո զրկեք փաստաբանի իրավունքից՝ ինձ պաշտպանելու և հասնենք նրան, որ այս դահլիճում փորձառու փաստաբան չմնա: Իրավունք ունեմ մտածելու, որ նման շարժառիթ այս դատարանն ունի:
Դրա համար իմ առաջարկը հետևյալն է սահմանեք՝ ինչ կարգի դեմքի արտահայտություն պետք է ունենանք և ինչ շարժումներ մենք պետք է չանենք սանկցիաներից խուսափելու համար: Միգուցե նկարներով, միգուցե այլ տարբերակով, բայց մենք հասկանանք՝ ոնց մեզ պահենք դատարանում»,- այսօր Հակակոռուպցիոն դատարանում հայտարարեց ՀՀ 2-րդ նախագահ Ռոբերտ Քոչարյանը:
Հիշեցնենք, որ այսօր Հակակոռուպցիոն դատարանում դատավոր Սարգիս Պետրոսյանի նախագահությամբ շարունակվեց ՀՀ երկրորդ նախագահ Ռոբերտ Քոչարյանի եւ մյուսների գործով դատական նիստը:
Կարդացեք նաև
Արփինե ՍԻՄՈՆՅԱՆ
