Հակակոռուպցիոն դատարանում դատավոր Սարգիս Պետրոսյանի նախագահությամբ այսօր շարունակվեց ՀՀ երկրորդ նախագահ Ռոբերտ Քոչարյանի եւ մյուսների գործով դատական նիստը:
Նիստին 2008 թվականի «մարտի 1-ին» զոհված Գոռ Քլոյանի հայրը՝ Սարգիս Քլոյանը Քոչարյանի պաշտպաններից մեկին սուտասան անվանեց:
Այդ որակմանն արձագանքեց Քոչարյանի պաշտպաններից Արամ Վարդեւանյանը. «Պարոն Քլոյանի վիշտը ես ընկալում եմ, բայց որեւէ մեկը նրան իրավունք չի տվել իմ նկատմամբ նման արտահայտությամբ հանդես գալու: Որպես հայ մարդ, նրա տարիքը հաշվի առնելով՝ չեմ պատասխանում, բայց այն, որ ձեր արտահայտությունը պետք է ստանա իրավական գնահատական, դա անխոս: Գործընկերս գտնում է, որ քրեական հետապնդում պետք է հարուցվի ձեր նկատմամբ»:
Կարդացեք նաև
Արձագանքեց նաեւ Յուրի Խաչատուրովի պաշտպան Միհրան Պողոսյանը. «Նորմա՞լ է, որ ՔՊ անդամի հայրը փաստաբանին ասում է սուտասան: Մի հատ նայեք ՔՊ-ի արտահայտած դիրքորոշումներին այս 7 տարվա ընթացքում սուտասանության առումով ու հիմա նիստերի դահլիճում ինչ են վիճարկում»:
Արփինե ՍԻՄՈՆՅԱՆ
