«ԱՆԻՖ-ի տնօրենների խորհրդում, օրինակ, եղել է Ֆրանսիայի նախկին վարչապետը: Դա ոչ թե գլուխ գովելու բան է, այլ որոշակի ցուցիչ , որ Ֆրանսիայի նախկին վարչապետը Հայաստանում՝ ԱՆԻՖ-ում տնօրենների խորհրդի անդամ է եղել: Եվ մի շարք այլ հեղինակավոր մարդիկ են եղել, ում դուրս գալուց հետո որոշակի պրոբլեմներ են ի հայտ եկել ԱՆԻՖ-ի տնօրենների խորհուրդը փոխելուց հետո»,- ճեպազրույցում նշեց Երեւանի քաղաքապետի մամուլ քարտուղար Հայկ Կոստանյանը՝ ի թիվս այլնի պատասխանելով լրագրողների հարցերին եւ «Հետքի» այն հրապարակմանը, թե ԱՆԻՖ-ը փոշիացրել է միլիարդավոր դրամներ, իսկ Ավինյանի կնոջ ընկերուհին օֆշորում բացել է կազմակերպություն, որին նույն հիմնադրամից մեծ գումարներ են փոխանցվել:
«Ես ԱՆԻՖ-ի մասին շատ դետալներ եւ մանրամասներ չգիտեմ, քանի որ դա ուղիղ կապ չունի Երեւանի քաղաքապետարանի հետ, հիմնադրամի ստեղծում, կառավարումը եւ այլն այդքան էլ կարեւոր չեն եղել ինձ համար: Բայց քանի որ ոչ միայն ԱՆԻՖ-ի, այլեւ Երեւանի քաղաքապետի անձի հետ կապված եւ շատ դեպքերում իր հետ կապ չունեցող, բայց իր նկարով ահասարսուռ վերնագրերի ենք հանդիպում, ես ինքս եմ առաջարկել, որպեսզի հասկանամ ԱՆԻՖ-ի պատմությունը եւ որոշակի պարզաբանումներ տամ մարդկանց համար…
ԱՆԻՖ-ը իր հիմնադրման օրվանից սկսած ստացել է 4,1 մլրդ դրամի պետական ֆինանսավորում, եւ դրանից հետո 5,5 մլրդ դրամի չափով հարկեր է վճարել պետությանը: Կարծում եմ, 4 մլրդ ֆինանսավորում ստանալը եւ 5,5 մլրդ հարկ վճարելը խոսում է ոչ թե ձախողման, այլ լրիվ այլ բանի մասին: ԱՆԻՖ-ը ունեցել է նաեւ որոշակի հաջողություններ, դրանից մեկը շուրջ 210 մլն դոլարի օտարերկրյա ներդրումներ էին , մոտավորապես 7 մլրդ դրամի չափով տեղական ներդրումներ են իրականացվել, 900 մլն դրամի չափ էլ եղել են մասնավոր համաներդրումներ»,-ասաց նա:
Մանրամասն՝ տեսանյութում.
Կարդացեք նաև
Գոհար ՀԱԿՈԲՅԱՆ
