«Այս երկու օրը մենք զրույց ենք ունեցել Ռուբենի ընտանիքի հետ, ամեն օր ենք խոսում, բայց այս երկու օրը նրանք մեզ հետ խոսեցին այլ բովանդակությամբ»,- Ազատության հրապարակում լրագրողների հետ զրույցում հայտարարեց արդեն 12-րդ օրը հացադուլի մեջ գտնվող «Ապրելու երկիր» կուսակցության համահիմնադիր Մանե Թանդիլյանը։
Նա շարունակեց․ «Ռուբենի հարգարժան տիկինը և քույրը մեզ խնդրել են դադարեցնել հացադուլը, ուժեղ պահել Ռուբենին, որ հանկարծ այստեղ մեր քայլով նա վատ չզգա մեզ համար։ Մենք իրենց խոստացել ենք, որ կդադարեցնենք հացադուլը»։
Մանե Թանդիլյանը նաև հայտնեց՝ թիմով քննարկել են անցնել ավելի ակտիվ գործողությունների փուլ։
Կարդացեք նաև
Տաթև ՀԱՐՈՒԹՅՈՒՆՅԱՆ
Հ. Գ. Արցախի Հանրապետության խորհրդարանում ներկայացված քաղաքական ուժերի՝ ՀՅԴաշնակցության Արցախի ԿԿ-ի, «Արդարություն» եւ «Արցախի ժողովրդավարական» կուսակցությունների ներկայացուցիչներն այսօր այցելել էին հացադուլի մեջ գտնվող Մանե Թանդիլյանին։
Արցախի քաղաքական ուժերի ներկայացուցիչներն իրենց աջակցությունն էին հայտնել Մանե Թանդիլյանին ու հորդորել՝ դադարեցնել առողջության վտանգումը եւ փորձել պայքարի այլ միջոցներով ձայնը հասանելի դարձնել։
