«Մի կողմից մենք գործ ունենք մի հղփացած, ինքնահավան բռնապետի, մյուս կողմից՝ անգործունյա, տապալված իշխանության հետ»,- այսօր լրագրողների հետ ճեպազրույցում ասաց «Ժառանգություն» կուսակցության ղեկավար Րաֆֆի Հովհաննիսյանը՝ անդրադառնալով Բաքվում հայ գերիների շինծու «դատավարությանը»։
Րաֆֆի Հովհաննիսյանի խոսքով՝ Հայաստանի իշխանությունը անգործություն դրսեւորեց ու ենթահող ստեղծեց, որ այսօր ունենանք պատանդներ ու գերիներ։ Այսինքն՝ այս իշխանությունը մեղսակից ու մասնակից է։ «Մենք գործ ունենք բռնապետի հետ, որն Արցախն է բռնազավթել, որը մեր գերիներին է վերցրել, եւ հազարավոր մեր տղաներին տարել է մահվան։ Դա որպես նախաբան, իսկ դրա շարունակությունը՝ ամեն մեկը պետք է իր ձեւով պայքարի, որպեսզի Ադրբեջանի վրա այդ ճնշումը լինի։ Աստված տա, որ այդ ճնշումը հասնի իր նպատակին, բայց մենք թույլ տվեցինք, որ այդ մարդը կայանա որպես բռնապետ։ Առայժմ աշխարհի գործիչները, բոլոր քննադատություններով հանդերձ, իր նավթը վերցնում են։ Այս տեսանկյունից մենք ունենք արդեն անվավեր դարձած իշխանություն, որը միայն ու միայն միս ու արյուն է տալիս Ալիեւի զառանցանքներին ու բռնազավթիչ քաղաքականությանը»,- նշեց Րաֆֆի Հովհաննիսյանը։
Նա հավելեց, որ «բուն հարցը գտնվում է հրապարակի վրա նստած, եւ դա պետք է փոխվի»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
