«Ընդհանուր առմամբ հետաքրքիր, բայց բարդ ժամանակահատված է սկսվել, սակայն հետաքրքրությունը ոչ թե Հայաստանում է, այլ դրսում: Նաեւ հետաքրքիր՝ չի նշանակում լավ, որովհետեւ տեսնում ենք, թե ինչ է կատարվում Սիրիայում, որը մեր քթի տակ է: Ենթադրվում է, որ Սիրիայի վերջին դեպքերը հրահրվել են նաեւ դրսից: Կան ուժեր եւ կենտրոններ ՝ քաղաքական, աշխարհաքաղաքական, ռեգիոնալ, որոնք ուզում են Սիրիան դարձնել Հարավսլավիա, մասնատել մի քանի երկրի»,-«Հենարան» մամուլի ակումբում ասաց քաղտեխնոլոգ Կարեն Քոչարյանը;
Նրա խոսքով. «Դրան ամենեւին կողմնակից չէ Թուրքիան, որովհետեւ վախ կա, որ դա կարող է հետո կարող է տարածվել նաեւ իրենց վրա: Բավականին հետաքրքիր էր ու ռադիկալ Օջալանի կոչը՝ վայր դնել զենքերը: Բայց նման բաները հենց այնպես չեն լինում, որ Օջալանի նման կերպարը կոչ անի վայր դնել զենքերը»:
Ինչ վերաբերվում է Հայաստանին՝ անվտանգության առումով, Կարեն Քոչարյանը հետեւյալը նշեց. «Անվտանգության մասին չի կարելի խոսել, որովհետեւ չկա անվտանգային որեւէ համակարգ: Այսօր կարդացի, որ ԱԺ նախագահը 3 տարի հետո որոշեց, որ մինչեւ մայիս Կապանում կբացվի Ռուսաստանի հյուպատոսությունը: Չգիտես ինչու նոր որոշեցին դա ասել:
Ենթադրվում է, որ աշխարհում տեղի ունեցող այս գործընթացների հետևանքով այս իշխանությունները մնացել են լրիվ անտեր աշխարհաքաղաքական առումով եւ փորձում են ռուսների հետ նորից սիլի-բիլի անել: Դա նկատվում է նաեւ արեւմտյան ուժերի ռեակցիայից, որոնք երկար ժամանակ այս իշխանության հովանավորներից էին, իսկ հիմա՝ ամենաուժեղ քննադատողները»:
Կարդացեք նաև
Գոհար ՀԱԿՈԲՅԱՆ
