Գյումրիում սպասվող ՏԻՄ ընտրությունների նախընտրական փուլը իրավական, բարոյական ու քաղաքական առումներով Վանաձորի նախկին քաղաքապետ Մամիկոն Ասլանյանին հիշեցնում է 2021 թվականի Վանաձորի ՏԻՄ նախընտրական փուլը:
«Մեր քաղաքական ուժերը, անհատները պետք է կենտրոնանան Գյումրու խնդիրների վրա ու ուշադրություն չդարձնեն՝ ինչ մտքեր են հնչում Գյումրու ընտրությունները հանգեցնելով ինչ-որ դարակազմիկ ջրբաժանի: Հերթական անգամ ուզում են ցանկացած մանիպուլյատիվ ու օրենքին հակասող կամ չհակասող միջոցներով հասնել իրենց ցանկացած արդյունքին»,- այսօր ՀՀԿ փոխնախագահ Արմեն Աշոտյանի գործով դատական նիստից առաջ լրագրողներին ասաց Ասլանյանը:
Նրա խոսքով, քաղաքական վիճաբանությունների համատեքստում ամփոփողը Նիկոլ Փաշինյանն է: Նա ամփոփում համարեց նաեւ այսօր առավոտյան Փաշինյանի համացանցում արված գրառումները:
Լրագրողի հարցին՝ ինքը գիտի՞ ով է Նիկոլ Փաշինյանին բերել իշխանության, Ասլանյանն այսպես արձագանքեց. «Վանաձորի համայնքապետի պատուհանից ավելի լավը դա է երեւացել, ով է բերել Փաշինյանին իշխանության, մի օր գուցե դրա մասին կխոսեմ»:
Կարդացեք նաև
Արփինե ՍԻՄՈՆՅԱՆ
