Ի տարբերություն ԵՄ-ի՝ Միացյալ Նահանգների Պետդեպարտամենտը ավելի կոշտ է արձագանքել Սիրիայում տեղի ունեցողին.
«Միացյալ Նահանգները դատապարտում է արմատական իսլամիստ ահաբեկիչներին, այդ թվում՝ օտարերկրյա ջիհադիստներին, որոնք վերջին օրերին արևմտյան Սիրիայում սպանել են մարդկանց։
ԱՄՆ-ն կանգնած է Սիրիայի կրոնական և էթնիկ փոքրամասնությունների, ներառյալ՝ քրիստոնյա, դրուզ, ալավի և քրդական համայնքների կողքին, և իր ցավակցությունն է հայտնում զոհերին և նրանց ընտանիքներին: Սիրիայի ժամանակավոր իշխանությունները պետք է պատասխանատվության ենթարկեն Սիրիայի փոքրամասնությունների համայնքների դեմ այս ջարդերի հեղինակներին»:
Սիրիայում տեղի ունեցողին հստակ բնորոշում է տվել Հունաստանի նախկին վարչապետ Անտոնիս Սամարասը.
Կարդացեք նաև
«Այն, ինչ կատարվում է Սիրիայում, ոգեշնչված է նեոօսմանիզմից և իրականացվում է Ահմեդ ալ Շարաայի ահաբեկիչների կողմից, որոնք միայն փողկապ կրելով չեն փոխվել։
Ի վերջո, թուրքական ասացվածքն ասում է, որ «եթե ավանակին պայտում եք, այն անմիջապես ձի չի դառնում»: Ասադի տապալումը ողջունվեց Եվրոպայում և Արևմուտքում: Այնուամենայնիվ, ԵՄ-ն և Արևմուտքը պետք է իմանան, որ երբ չարը փոխարինում ես չարով, ապա անխուսափելիորեն հանգեցնում ես հազարավոր խաղաղ բնակիչների ջարդերի և բարբարոսության։
ԵՄ-ն պետք է հասկանա Էրդողանի Թուրքիայի դերն այս շարունակվող ոճրագործության մեջ և ինքն իրեն հարց տա՝ արդյոք մենք իրավունք ունե՞նք մեր եվրոպական պաշտպանության բանալիները հանձնելու Սիրիայում տեղի ունեցող վայրագությունների պատվիրատուին»։
«Թուրքիան այսօր» լրատվական ալիք
