«Ազգային ճակատ» – «Ադրբեջանի հետ խաղաղության և հարաբերությունների նոր մեկնարկի իրական ձգտումը կդրսևորվի, մասնավորապես, Հայաստանի պատրաստակամությամբ՝ հանձնելով Ադրբեջանին «ռազմական հանցագործություններում մեղադրվողներին», որոնք «թաքնվում են» Հայաստանի Հանրապետությունում»,- գրել է Ադրբեջանի նախագահի օգնական Հիքմեթ Հաջիևը։
Հիշեցնենք, որ ըստ ադրբեջանական կողմի, «հանցագործությունների» մեջ են մեղադրվում Վազգեն Սարգսյանը, Մոնթե Մելքոնյանը, Ռոբերտ Քոչարյանը, Սերժ Սարգսյանը, Վազգեն Մանուկյանը, Սամվել Բաբայանը, Մանվել Գրիգորյանը, Վիտալի Բալասանյանը, Սեյրան Օհանյանը, Արշավիր Ղարամյանը, և ուրիշներ։
Հարկ է նաև նշել, որ մոտ երկու ամիս առաջ Ադրբեջանի գլխավոր դատախազությունը Արցախի ռազմական-քաղաքական գործիչների դեմ շինծու գործերը դատարան ուղարկելու ժամանակ կոչ էր արել նաև ՀՀ -ին՝ համագործակցել Ադրբեջանի դատախազության հետ։
