«Ռոբերտ Քոչարյանն է 2021թ․ կոչ արել, խնդրել, առաջարկել, որ ՀՀԿ-ն մասնակցի ընտրություններին: Եվ նշել է, թե ինչքան կարևոր է դա»,- «Ա1+»-ի հետ զրույցում ասել է «Պատիվ ունեմ» խմբակցության ղեկավար, ՀՀԿ անդամ Հայկ Մամիջանյանը՝ անդրադառնալով «Հայաստան» խմբակցության իր գործընկեր Աղվան Վարդանյանի այն հայտարարությանը, թե 2021թ․ ընտրություններին «կարելի էր չմասնակցելով՝ չխանգարել Քոչարյանին, որ Փաշինյանը սահմանադրական մեծամասնություն չունենար»։
Ռ․Քոչարյանի վերջին ասուլիսից հետո արդեն նրա և երրորդ նախագահ Սերժ Սարգսյանի թիմերի միջև լարվածությունն ավելացել է, երկուստեք արդեն բացահայտ կերպով են տարբեր հարցերում միմյանց մեղադրում։ Ավելին՝ Քոչարյանի թիմից ՀՀԿ-ին հեգնում են, որ նրանք ընդամենը չորս տոկոս վարկանիշ ունեն։ «Ես չեմ հասկանում մարդկանց, որոնք օր-օրի փոքրացող Հայաստանում ուրախանում են իրենց աճող ռեյտինգով»,- հակադարձում է Մամիջանյանը։
Խոսելով արտաքին քաղաքական թեմաներից, ԱՄՆ-ի և Ռուսաստանի միջև վերսկսվող հարաբերություններից, ռուս-ուկրաինական պատերազմից և Եվրոպայում տեղի ունեցող զարգացումներից՝ պատգամավորը կարծիք է ներկայացնում, թե «սարերի ետևում չէ նոր Յալթա-2 վեհաժողովը, որի ժամանակ բաժանվելու են աշխարհի ազդեցության գոտիները։ «Երբ պարզ տրամաբանությամբ համադրում ես իրադրությունները, ակնհայտ է դառնում, թե Հարավային Կովկասը որ աշխարհաքաղաքական կենտրոնի գոտում է մնալու։ Դրա ամենաթարմ ապացույցն այնն է, որ ՌԴ-ն համաձայնել է լինել ԱՄՆ-Իրան բանակցությունների միջնորդը»,- հավելում է նա։
Կարդացեք նաև
Մանրամասները՝ տեսանյութում
