«Մենք Սրբազան շարժման մի քանի անդամներով եկել ենք զորակցելու Մանե Թանդիլյանին»,- Aravot.am-ի հետ զրույցում Ազատության հրապարակում ասաց Սրբազան շարժման մասնակից Հասմիկ Փափազյանը։
Ըստ նրա՝ միջազգային բոլոր օրենքներից դուրս է այն, ինչ կատարվում է Բաքվում։
Հասմիկ Փափազյանի կարծիքով՝ մյուս վտանգավոր հարցն այն է, որ Ադրբեջանի կառավարությունը հայտարարել է Ադրբեջանում Կարմիր խաչի միջազգային կոմիտեի գրասենյակը փակելու մտադրության մասին․ «Ալիև կոչեցյալն ուզում է Կարմիր խաչի գրասենյակը հեռացնի։ Ինչքան հնարավորություն ունեին, գոնե մասնակցում էին, գնում, տեսակցում, հիմա, եթե նրանց էլ հանի, լրիվ Ադրբեջանը ոնց կուզի, կշարժվի, հիմա գոնե ինչ-որ մի տեղ վախի զգացողություն ունի»։
Միջազգային իրավական հարցերով ներկայացուցիչ Եղիշե Կիրակոսյանի՝ աշխատանքից ազատման մասին էլ նշեց․ «Դա մեզ համար ահավոր բան է, քանի որ մեր՝ այսպես ասած ղեկավարը երևի ստիպեց նրան, որ Ադրբեջանի դեմ մեր բողոքները հանի, որովհետև Իլհամ Ալիևը և Էրդողանը որոշել են, որ մեզ պետք է խեղճացնեն։ Ինքն իրենից ոչինչ չի ներկայացնում ղեկավար կոչեցյալը, բայց մեր գլխին ինչ օյին ասես անում է»։
Կարդացեք նաև
Տաթև ՀԱՐՈՒԹՅՈՒՆՅԱՆ
