ԱԺ Արտաքին հարաբերությունների մշտական հանձնաժողովի նախագահ, ՔՊ խմբակցության պատգամավոր Սարգիս Խանդանյանը չի ցանկանում հեռակա բանավեճի մեջ մտնել Ռուբեն Վարդանյանի փաստաբանի հետ եւ մեկնաբանել նրա դիտանկյունները․ այս մասին այսօր նա հայտարարեց խորհրդարանական ճեպազրույցների ժամանակ։
Իսկ Ռուբեն Վարդանյանի փաստաբանը գրառում էր արել, որ առաջին անգամն է առնչվում պետության հետ՝ ի դեմս ՀՀ-ի, որը պարզապես անգործության է մատնված՝ Բաքվու գերեւարված իր քաղաքացիների հարցում։
ՔՊ-ական պատգամավորը հիշեցնում է, երեկ թե վարչապետը, թե ԱԳ նախարարը պատասխանել են գերիներին ետ բերելուն վերաբերող հարցերի:
Ըստ Սարգիս Խանդանյանի, Ադրբեջանի կողմից դատավարությունների նման հրապարակայնացումը մեր զգացմունքների վրա ազդելու նպատակ է հետապնդում․ «Գայթակղությունը շատ մեծ է այս թեմայով լուրջ հայտարարություններ անելու եւ ազդեցիկ խոսքեր ասելու, բայց պետք է գնահատել, թե այդ խոսքերը որքանով են Բաքվում պահվող գերիների՝ Հայաստան վերադարձին օգուտ տալու, որքանով՝ վնաս»։
Կարդացեք նաև
ՔՊ խմբակցության քարտուղար Արթուր Հովհաննիսյանն էլ ասաց՝ թեման շատ զգայուն է. «Եվ այստեղից հնչող ցանկացած մեկնաբանություն ուղիղ կապ ունի տեղի ունեցող գործընթացների, որոշ պայմանավորվածությունների հետ»։
Մանրամասները՝ տեսանյութում
Նելլի ԳՐԻԳՈՐՅԱՆ
