«ՀՀ-ն չի ստանձնել որեւէ պարտավորություն, ներառյալ տարածաշրջանային ենթակառուցվածքների ապաշրջափակման վերաբերյալ, որը չի կատարել»,- ԱԺ-կառավարություն հարցուպատասխանի ժամանակ ասաց ԱԳ նախարար Արարատ Միրզոյանը՝ անդրադառնալով ՀՀ իշխանությունների առաջարկների վերաբերյալ Ադրբեջանից հնչող հայտարարություններին։
«Մենք քանիցս ասել ենք՝ պատրաստ ենք օր առաջ բացել կամ մեր մասով նպաստել տարածաշրջանային ենթակառուցվածքների ապաշրջափակմանը։ Մենք հանդես ենք եկել խորը եւ շատ ընդգրկուն նախաձեռնությամբ՝ խաղաղության խաչմերուկով։ Եվ նաեւ այդ համատեքստում Ադրբեջանին էլ շատ կոնկրետ առաջարկներ ենք արել։ Այնպես որ, այստեղ ավելացնելու շատ բան չկա, հանրահայտ են մեր դիրքորոշումները։ Բայց ես ուրիշ բան կուզեի ասել՝ հարցը միայն Ադրբեջանի մասով չէ, տարածաշրջանային ենթակառուցվածքների ապաշրջափակումը շատ ավելի լայն խոսակցություն է, ներառում է մեր արեւմտյան հարեւանին, մենք Թուրքիայի հետ ունենք այդ խոսակցությունը, մենք ինքներս նույն ապաշրջափական արդյունքում նպատակ ունենք նույն Ադրբեջանի ենթակառուցվածքներով կապվելու Կենտրոնական Ասիայի հետ, Չինաստանի հետ։ Եվ այս խոսակցությունը մենք մեր բոլոր գործընկերների հետ շարունակելու ենք»,- հավելեց Միրզոյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
