«Ցավոք, մեզնից որևէ մեկը արժանի չեղավ այն գործին, որն արեց Վազգեն Սարգսյանը»,- Եռաբլուրում Սպարապետ Վազգեն Սարգսյանի հիշատակին հարգանքի տուրք մատուցելիս լրագրողների հետ ճեպազրույցում ասաց «Համահայկական ճակատ» շարժման անդամ, «Հայկանդուխտ ավանդապաշտ ժողովրդավարական» կուսակցության փոխնախագահ Ռուզաննա Ստեփանյանը։
Ըստ նրա՝ եթե Վազգեն Սարգսյանը գլուխը բարձրացնի ու տեսնի, թե մենք իր թողած ժառանգությունն ինչպես ենք մսխել, դա գժվելու պատմություն է․ «Իր մարտական ընկեր Սասուն Միքայելյանի տեսակը, ցավոք, շատ կա։ Նա ժամանակին Լևոն Տեր-Պետրոսյանի հետ էր պայքար տանում, հիմա Նիկոլ Փաշինյանի հետ է մսխում այն ամենը, ինչ ունեցել ենք։ Ես չեմ զարմանում․ նրա՝ այդ տեսակը, որ տարբեր ժամանակների իշխանության հետ քայլում է, իրենց բաժինը տանում են»։
Հարցին՝ ո՞րն է այս իրավիճակից դուրս գալու ելքը, Ռուզաննա Ստեփանյանը պատասխանեց՝ մեզ Վազգեն Սարգսյանի նման համախմբող տեսակ է պետք։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարում՝ Վարչապետը 05.03.2020թ. մասնակցել է Վազգեն Սարգսյանի ծննդյան 61-ամյակին նվիրված միջոցառմանը
