«Այսօր, ովքեր եկել են այստեղ, բոլորը չէ, որ սրտացավ են կամ կիսում են Վազգեն Սարգսյանի գաղափարները։ Շատերի մուտքն այստեղ համարում եմ ծաղրանք նրա հիշատակի հանդեպ, վիրավորանք նրա հիշատակի հանդեպ»,- Եռաբլուրում հայտարարեց ՀՀԿ գործադիր մարմնի անդամ, ՀՀ ԱԺ նախկին նախագահ Սամվել Նիկոյանը։
Ըստ նրա՝ օրվա խորհուրդն այն է, ինչ ապրել են իննսունականներին․ «Եթե ուզում ես ունենալ պետություն, արժանապատվություն, պետք է ունենաս արժանապատիվ ղեկավարություն, պետք է քո հայրենիքին տեր կանգնես․ ինչպես Վազգենն էր ապրում այն գաղափարախոսությամբ՝ կյանքս կտամ հայրենիքին։ Իսկ հիմա ասում են՝ տանք հայրենիքը, փրկենք կյանքեր։ Այդ գաղափարախոսական տարբերությունն է, որ մեզ հասցրել է այս օրին»։
Տաթև ՀԱՐՈՒԹՅՈՒՆՅԱՆ
