«Վազգեն Սարգսյանի ներդրումը մեծ էր բանակ ստեղծելու գործում՝ մանավանդ, որ կադրային սպաներին ՌԴ-ից, տարբեր տեղերից ընդգրկեց բանակաստեղծման գործընթացում, և ունեցանք լավ բանակ։ Նաև պիտի շեշտեմ, որ ռուսական կայսրության ներքո, ԿԳԲ-ական ճնշումների ներքո ստեղծվեց հայկական բանակ»,- Եռաբլուրում լրագրողների հետ ճեպազրույցում հայտարարեց ազատամարտիկ, պահեստազորի գնդապետ Վոլոդյա Ավետիսյանը։
Լրագրողների հարցին՝ Վազգեն Սարգսյանը որ լիներ, մի՞թե այս հանգրվանին կհասնեինք, նա պատասխանեց․ «Վազգեն Սարգսյանը հասկացավ, որ ՀՀ-ն տանում են կործանման, որովհետև Վազգենը մենակ շատ քիչ էր՝ որպես հայրենասեր, որպես պետության ղեկավար, վարչապետ։ Իր կողքերը բոլորը թալանում, գողանում, քանդում էին, շատ դժվար էր։ Երբ հասկացավ, որ մոտեցումը պետք է փոխվի, պետք է խստացնի, իր կողքի կառավարիչները հասկանան, որ Վազգեն Սարգսյանն ուզում է լուրջ պետություն ստեղծել, թալանը վերացնել, դրա համար սպանեցին նրան, մեր հայոց պետականությունը ոչնչացրին հոկտեմբերի 27-ին»։
Խոսելով ՀՀ-ի առաջնորդների մասին՝ նա ասաց․ «Չեմ տեսնում, որ բանակը հզորացնեն, տնտեսությունը հզորացնեն, որ ժողովուրդը լավ ապրի։ Այդ ամբողջը հատուկ է արվում»։
Կարդացեք նաև
Տաթև ՀԱՐՈՒԹՅՈՒՆՅԱՆ
