Հայաստանի պետական տնտեսագիտական համալսարանում (ՀՊՏՀ-ASUE), օրերս տեղի ունեցավ տոնական միջոցառում՝ նվիրված ՀՊՏՀ երկարամյա ռեկտոր (1993-2006թթ), տնտեսագիտության դոկտոր, պրոֆեսոր Գրիգոր Կիրակոսյանի անվան լսարանի բացմանը: Համալսարանի իրականացրած անվանի տնտեսագետի անունը կրող լսարանի բացումը դիտարկենք որպես մշակութային ակցիա, քանի որ այն միաժամանակ կրթության, գիտության, սոցիալական կապերի ու գիտակրթական պատմության, կարևորագույն նշանակություն ունի:
Որպես մշակութային իրադարձություն՝ հատկապես նշենք հետևյալ կետերը.
Գիտության և կրթության տարածում
Կարդացեք նաև
Պրոֆեսոր Գրիգոր Կիրակոսյանի անվան լսարանը բացվել է որպես ուսումնական միջավայր, որը ոգեշնչելու է ուսանողներին և կփոխանցի գիտական ու բարոյական արժեքներ: Սա կարևոր քայլ է կրթական մշակույթի պահպանման և զարգացման ուղղությամբ, քանի որ մեծ գիտնականի և ղեկավարի ավանդը կյանքի է կոչվում մի նոր ուսումնական տարածքում։
Մշակութային ժառանգության պահպանություն
Անվանակոչված լսարանը ոչ միայն պատմություն է հիշեցնում, այլ փոխանցում է Կիրակոսյանի գիտական ավանդը հաջորդ սերունդներին: Նրա գործունեությունն ու բարոյական արժեքները շարունակում են խթանել երիտասարդներին կրթության և գիտության ճանապարհով։
Սոցիալական ու մարդկային արժեքների խթանում
Կիրակոսյանի գործը սոցիալական կապերի ու մարդկային արժեհամակարգի օրինակ է, որը ներկայացվում է դասընթացների ու հաղորդակցության միջոցով: Նրա սկզբունքները, ազնվությունը և բարությունը խթանում են ընդհանուր մշակույթի զարգացումը ոչ միայն գիտական, այլ նաև մարդկային առումով։
Անվանի անձանց նշանակությունը՝ մշակութային խորհրդանիշներ
Սոցիալական ու մշակութային ժառանգությունը պահպանելու և զարգացման ուղղությամբ, այսպիսի միջոցառումները խթանում են հասարակության մշակութային ինքնագիտակցությունը: Գրիգոր Կիրակոսյանը դարձել է նման խորհրդանիշ, որը ներկայացնում է այդ ժառանգությունը:
Բարձր մշակութային արժեք՝ ազգային կարևորություն ունեցող միջավայրում
Քանի որ միջոցառումն անցկացվել է համալսարանում, որը երկրի ամենակարևոր կրթական ամենածանրակշիռ հաստատություններից մեկն է, այս ակցիան օրգանապես մտնում է կրթության ու մշակույթի խաչմերուկ՝ ազդելով ու ազդեցություն ունենալով երիտասարդության վրա:
Այսպիսով, ներկայացնելով միջոցառումը մշակութային ակցիայի համատեքստում, կարող ենք ընդգծել, որ սա ոչ միայն գիտության, այլ նաև մշակութային արժեքների պահպանման, փոխանցման ու առաջընթացի կարևորագույն միջոցառում է, որը կարժևորի համալսարանի կյանքի այս պատմական փուլը և կնպաստի երկրի մշակութային հարուստ ժառանգության պահպանմանը։
Մշակութային մեր մոտեցումը հաստատում է ստորև ներկայացված` լսարանի բացման միջոցառման առթիվ ՀՊՏՀ տարածված հաղորդագրությունը.
Պրոֆեսոր Գրիգոր Կիրակոսյանի գիտական վաստակը, կրթության ոլորտում ունեցած անգնահատելի ներդրումը և համալսարանի զարգացման գործում ունեցած դերը ներկաները մեծապես արժևորվեցին լսարանի բացման միջոցառման ընթացքում։ Նորաբաց լսարանը կոչված է ոգեշնչելու ուսանողներին և շարունակելու տնտեսագիտական մտքի զարգացման ավանդույթները։ Լսարանի բացման միջոցառմանը ներկա էին պրոֆեսորի ընտանիքի անդամները, համալսարանի ղեկավարությունը, դասախոսական կազմը, հյուրեր։
Միջոցառմանը ելույթով հանդես եկավ ՀՊՏՀ ռեկտոր Արմեն Գրիգորյանը՝ բարձր գնահատելով Գրիգոր Կիրակոսյանի գիտական վաստակը տնտեսագիտական համալսարանի զարգացման գործում, նրա անգնահատելի ներդրումը և մասնագիտական կրթության բնագավառում ունեցած չափազանց մեծ ավանդը։
Ռեկտորը իր խոսքում մասնավորապես նշեց. «Մեր համալսարանը շատ բանով է պարտական Գրիգոր Կիրակոսյանին։ Երկրի և մեր բուհի համար շրջադարձային ու բարդ ժամանակաշրջանում նա կարողացել է հաղթահարել յուրաքանչյուր մարտահրավեր՝ միջանձնային հարաբերություններից մինչև բուհի շենքային պայմանները բարելավելը, բարեկարգ միջավայր ձևավորելը և մեր սիրելի համալսարանին նոր գրավչություն հաղորդելը։ Դրա արդյունքն է, որ մենք այսօր հանրապետության երկրորդ խոշոր համալսարանն ենք»,- ասաց Արմեն Գրիգորյանը՝ շեշտելով, որ հարազատ բուհը «պահած ու զարգացրած» ռեկտորի հանդեպ լսարանի անվանակոչումը պատշաճ վերաբերմունքի դրսևորում է, մեծարման ու երախտագիտության արտահայտություն, որը համընկնում է Գրիգոր Կիրակոսյանի ծննդյան օրվա հետ և տեղի է ունենում ՀՊՏՀ 50-ամյա հոբելյանին նախընթաց։
Նա ընդգծեց, որ անվանակոչված լսարանը նոր շնչառություն կստանա և, վստահաբար, այնտեղ կծնվեն նոր գաղափարներ, կհղկվի տնտեսագիտական միտքը և կշարունակվի գիտական հարուստ ավանդույթը։
Գրիգոր Կիրակոսյանի ընտանիքի անդամները շնորհակալություն հայտնեցին համալսարանի ղեկավարությանը՝ մեծ գիտնականի անունն ու գործն անմահացնելու համար։
Պրոֆեսորի կրտսեր որդին՝ միջազգային իրավական հարցերով ՀՀ ներկայացուցիչ Եղիշե Կիրակոսյանը, երախտագիտությամբ նշեց․ «Հպարտ ենք, որ մեր հայրը ոչ միայն մեծ գիտնական էր, այլև սկզբունքային, ազնիվ և բարի մարդ։ Հուսով ենք, որ այս լսարանը կդառնա ոգեշնչման աղբյուր մեր երիտասարդների համար»։
Հիշողություններով կիսվեցին նաև պրոֆեսորի գործընկերներն ու նրա հետ աշխատած մարդիկ՝ Գրիգոր Նազարյանը, Լիանա Գրիգորյանը, Մուշեղ Հակոբյանը, տարբեր տարիների ուսխորհրդի նախագահներ Աբրամ Բախչագուլյանը և Արմեն Ալեքսանյանը։ Նրանք ընդգծեցին, որ ՀՊՏՀ-ն մեծապես կարևորում է իր անվանի դասախոսների ժառանգությունն ու նրանց թողած արժեքները։
Ընդհանուր առմամբ բոլորի խոսքում հնչեց այն հիմնական միտքը, թե վստահ են, որ Գրիգոր Կիրակոսյանի ավանդած գաղափարներով առաջ ընթացող համալսարանը կշարունակի ապահովել բարձրակարգ կրթական միջավայր՝ նպաստելով գիտելիքով զինված, հայրենասեր մասնագետների ձևավորմանը։
Սամվել ԴԱՆԻԵԼՅԱՆ
