«Մենք էլ 35 տարի մնացել ենք իրենց տարածքներում»,- լրագրողների հարցին՝ այսպե՞ս ենք արժևորում սպարապետ Վազգեն Սարգսյանի գործը, որ անգամ պահանջ չենք դնում, որ թշնամին դուրս գա մեր տարածքներից, Սպարապետ Վազգեն Սարգսյանի 66-րդ տարեդարձի առիթով Եռաբլուրում հարգանքի տուրք մատուցելուց հետո լրագրողների հետ ճեպազրույցում այսպես պատասխանեց ՀՀ Սյունիքի նախկին մարզպետ Մելիքսեթ Պողոսյանը։
Նա վստահեցրեց՝ մեզ համար Սպարապետը ողջ է, սպարապետը Հայաստան է․ «Մենք ոչ մի անգամ 35 տարի մեր դեմքը մեր Սպարապետի առաջ չենք փոխել, խոնարհվում ու շնորհավորում ենք Սպարապետի ծնունդը»։
Հարցին՝ որ Վազգեն Սարգսյանին չկորցնեինք, ինչպիսի՞ ՀՀ և Արցախ կունենայինք, արդյոք Արցախը կկորցնեի՞նք, և այսօրվա իշխանությունները որտե՞ղ կլինեին, Մելիքսեթ Պողոսյանը պատասխանեց․ «Իհարկե, Սպարապետը եթե կար, մենք հաղթում էինք, չկա, պարտվում ենք։ Եթե Սպարապետը ողջ լիներ, մենք այս կարգավիճակում չէինք լինի։ Մենք պարտվել ենք հենց հոկտեմբերի 27-ին, երբ կորցրել ենք Սպարապետին»։
Կարդացեք նաև
Լրագրողները հարցրին՝ ինչո՞ւ թշնամին մինչև հիմա Տեղից, Սև լճից դուրս չի գալիս, մի՞թե Սպարապետը եթե ողջ լիներ, սա թույլ կտար, Մելիքսեթ Պողոսյանը պատասխանեց․ «Մենք մեր առաքելությունը կատարում ենք։ Եթե ճիշտ մեկնաբանեք, գաղտնիության ռեժիմը պահեք, մենք այս վիճակում չենք լինի։ Պիտի այն բովանդակությունը լուսաբանվի, որ հակառակորդին օգուտ չբերի։ Այս պահին համեստ պիտի լինենք, գաղտնիության ռեժիմ պահենք»։
Տաթև ՀԱՐՈՒԹՅՈՒՆՅԱՆ
