«Եթե Ադրբեջանի եւ արեւմտյան հատվածների կապը պատկերացվում է Իջեւանի հատվածով՝ դա այլ պատմություն է, եթե այդ առաջարկը, որն արդեն ուղարկվել է Ադրբեջանին, ներառում է Մեղրիի միջով երկաթգծային կապ, դա շատ մեծ ռիսկեր է պարունակում»,- այսօր խորհրդարանում հայտարարությունների ժամին ասաց ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Նիկոլ Փաշինյանի այն հայտարարությանը, որ տարածաշրջանային ապաշրջափակման առումով Հայաստանը հերթական առաջարկներն է փոխանցել Ադրբեջանին։
Ընդդիմադիր պատգամավորը զգուշացնում է՝ Մեղրիով երկաթգծի պարագայում, երկաթգծի ահռելի մասը՝ Երասխ-Մեղրի հատվածում անցնում է Ադրբեջանով եւ մի փոքր հատված՝ ընդամենը 40 կիլոմետր, անցնելու է ՀՀ-ի տարածքով, ուստի մաքսատուրքերի եւ այլ տարբերակներով Ադրբեջանն այդ ուղին հնարավորություն կունենա անանցանելի դարձնել։ Նա էական է համարում, որ ՀՀ-ով եւ Ադրբեջանով անցնող երկաթգծային հատվածները համահավասար լինեն։ Հայկ Մամիջանյանը հուսով է՝ Նիկոլ Փաշինյանը պարզաբանումներ կներկայացնի։
Հայկ Մամիջանյանը պնդեց, որ Նիկոլ Փաշինյանը հրապարակի 2019 թվականի առաջարկները, որոնցից ՔՊ-ական իշխանությունն է հրաժարվել ու դրանք հիմնավոր կասկածներ են առաջացնում, բայց այդ մասին ընդդիմադիր պատգամավորը խոստացավ խոսել այլ առիթով։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
