«Մենք աշխատում ենք Թուրքիայի հետ եւ շարունակելու ենք աշխատել։ Ցավում եմ, որ Ադրբեջանը հայ-թուրքական հարաբերությունների կարգավորման հարցը պատանդ է վերցրել եւ փորձում է ազդեցություն ունենալ։ Դա շատ վատ է, կարծում եմ՝ Թուրքիայի համապատասխան պաշտոնյաները դա նույնպես հասկանում են»,- այսօր լրագրողների հետ զրույցում ասաց ԱԺ նախագահ Ալեն Սիմոնյանը։
Ալեն Սիմոնյանն անդրադարձավ նաեւ Թուրքիայի նախագահ Էրդողանի հայտարարությանը, որ «Մենք ավելի ինտենսիվ ենք դարձրել մեր ջանքերը Հարավային Կովկասում բարօրության և կայունության հաստատման համար։ Ինչքան առաջ ենք մղում Հայաստանի հետ կարգավորման գործընթացը, այնքան էլ սպասում ենք այն պայմանագրին, որը կհաստատի կայուն խաղաղություն Հայաստանի և Ադրբեջանի միջև»։
«Շատ ուրախ ենք, որ Թուրքիայի նախագահը նման հայտարարություն է արել, Հայաստանն իր դիրքորոշումներով, իր ընդառաջ գնալով ցույց է տալիս, որ պատրաստ է խաղաղության եւ շարունակելու է այդ ուղղությամբ գործողություններ իրականացնել։ Հույս ունենք, որ Թուրքիան, տեսնելով այդ քայլերը, նույնպես իր դիրքորոշումը կսկսի ավելի հստակ արտահայտել»,- հավելեց Սիմոնյանը։
Կարդացեք նաև
Ռոզա ՀՈՎՀԱՆՆԻՍՅԱՆ
