Նիկոլ Փաշինյանի հեծանիվի ուսուցիչ Արման Անտոնյանը պետական ապարատում պաշտոն է ստացել` նշանակվել է ԿԳՄՍ նախարար Ժաննա Անդրեասյանի խորհրդական։ Անտոնյանը Սիրողական հեծանվորդների ֆեդերացիայի նախագահն է, Փաշինյանի հեծանվային զբոսանքների կազմակերպիչն էր։ «Հրապարակ»-ի հետ զրույցում Անտոնյանն ասաց՝ Ժաննա Անդրեասյանից է պաշտոնի առաջարկը ստացել։ Արդո՞ք Նիկոլ Փաշինյանի հետ հարաբերություններն են այս նշանակման պատճառը, ասաց, որ չի ուզում մեկը մյուսի հետ կապել, եւ իր արժանիքները հիշեցրեց՝ 25 տարվա հասարակական գործունեություն, 5 տարի Երեւանի ավագանու անդամ։ «Ուզում եմ չմոռանաք, որ եղել եմ շուրջ 5 տարի ավագանու անդամ, ֆինանսավարկային հանձնաժողովի անդամ եմ եղել։ Շատ տարբեր նախագծերի հեղինակ եմ»,-ասաց նա։ Անտոնյանը դեռ չգիտի, թե որ ոլորտի գծով է խորհրդական լինելու, ենթադրում է՝ սպորտի։ Իսկ ի՞նչ խորհուրդներ է տալու Ժաննա Անդրեասյանին։
«Իմ մոտեցումն առհասարակ որեւէ ոլորտում համակարգային բարեփոխումներ անելն է, խորհուրդների հետ կապված՝ պիտի մանրամասն հասկանամ ոլորտային խնդիրները։ Ենթադրում եմ, որ սպորտի գծով խորհրդական կլինեմ»,- նշեց նա։ Սպորտի գծով ԿԳՄՍ փոխնախարար Կարեն Գիլոյանի հեռանալուց հետո փոխնախարարի աթոռը թափուր է, Անտոնյանը չի բացառում, որ ինքն այն կզբաղեցնի։ «Ոչինչ չեմ բացառում»։
Լիա ՍԱՐԳՍՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
