«Ապրելու երկիր» կուսակցության անդամ Արտավազդ Ալավերդյանը միացել է Մանե Թանդիլյանի սկսած հացադուլին:
«Մենք հստակ ձեւակերպել ենք մեր խնդրանքը Ռուբեն Վարդանյանին: Գիտենք մեր ակնկալիքները: Ինչ-որ բան կփոխվի՞, ամենը կախված է նրանից, թե վաղը, մյուս օրը կամ ինչ-որ ժամանակ կլինե՞ն նորություններ, արձագանքներ, զարգացումներ, որը կենթադրի փոփոխություն: Բայց սա կա եւ լինելու է շարունակական: Եվ ոչ միայն այս տեսքով: Օգտվելով առիթից, մեր հայությանը կոչ եմ անում, որ ցանկացած մարդ իր տեղում, ցանկացած ձեւով, ինչպես ինքը կարող է, ինչպես որ ինքը կամենում է, բարձրաձայնի այս խնդրի մասին, չլինի անհաղորդ: Որովհետեւ սա այս պահին երեւի ամենակարեւոր հարցն է, որի շուրջ մենք պարտավոր ենք համախմբվել: Չեմ կարծում, որ այս հարցում կան ինչ-որ տարաձայնություններ»,-ասում է Արտավազդ Ալավերդյանը:
Աշոտ ՀԱԿՈԲՅԱՆ
