«Արտաքին կամ պետական պարտքի մեր՝ այսօրվա վիճակը սահմռկեցուցիչ թվերի է հասնում և դեռ շարունակում է աճել։ Այդ բոլորի վճարողը մենք ենք լինելու, նաև գալիք սերունդը, իսկ թե քանի սերունդ կշարունակվի, կախված է նրանից, թե որքան մենք կկարողանանք մեր պետության իրավիճակը շտկել»,-ֆեյսբուքյան ուղիղ եթերում հայտարարեց Բագրատ սրբազանը։
Ըստ նրա՝ մեր օրերում կառավարությունները կամ ժողովրդավարական ինստիտուտները պարզապես դարձել են պատրանքներ․ «Նրանք բոլոր առումներով կախվածության մեջ են գտնվում աշխարհի տիրապետող ուժերից։ Եվ դրա փոխարեն վաճառում են սեփական երկրի բարիքները, որոնք կարող են նպաստել երկրի զարգացմանը՝ դառնալով սեփական երկրի վրա ճնշումների գործիք։ Օրինակ՝ Ամուլսարի հանքն է, որը երեկ հռչակվեց, որ շարունակելու է իր գործունեությունը, քանի որ որոշակի իմաստով գործարքներ են տեղի ունեցել, և դրանց, հավանաբար նաև որոշ գաղտնի համաձայնությունների պատճառով այն շարունակելու է իր գործունեությունը։ Միայն գիտենք, որ լայն իմաստով ահռելի վնասների մասին է խոսքը»։
Բագրատ սրբազանը կարծում է, որ քաղաքական գործունեությունն այլևս իմաստազուրկ է դառնում, քանի որ այն ուղղված չէ հանրային կյանքում բարիք ստեղծելուն, այլ մարդուն մղում են, որ այդ քաղաքականությունը որակի՝ որպես չարիք և ինքնամեկուսացմամբ հեռանա թե′ իր հանրային պատասխանատվությունից, թե′ այն կրելու ցանկությունից։
Կարդացեք նաև
Տաթև ՀԱՐՈՒԹՅՈՒՆՅԱՆ
