«Ռուբեն Վարդանյանի պատկերը և նկարները, որոնք տարածված էին ամբողջ համացանցով մեկ, մեծ ընդվզումի, ցասումի, ցնցումի, միևնույն ժամանակ ամոթի զգացում էր արթնացնում մեր մեջ և շարունակում է մնալ։ Ռուբեն Վարդանյանը և մեր բոլոր ռազմագերիները, որոնք գտնվում են այսօր Բաքվի բանտերում, հավաքական իմաստով մեր անզորության և ամոթի արտահայտությունն են»,- ֆեյսբուքյան ուղիղ եթերում հայտարարեց Բագրատ Սրբազանը։
Ըստ նրա՝ մենք գերեվարված ենք բոլոր առումներով․ «Գերեվարված ենք այն իմաստով, որ անճարակության զգացմամբ որևէ բան չենք կարողանում՝ որպես հասարակություն իրականացնել, որովհետև մեր ջանքերը, ձգտումներն այս իմաստով գտնվում են կալանավորված վիճակում, որի միակ ու բարձր պատասխանատուն այսօրվա չարիքի իշխանությունն է»։
Անդրադառնալով այն հարցերին, թե շաբաթօրյա ուղիղ եթերներն ի՞նչ արդյունք են տալիս, երբ մենք այսօր ակտիվ պայքարի կարիք ունենք, Բագրատ սրբազանն ասաց․ «Այո, կարիք ունենք ակտիվ պայքարի, բայց դրա համար իր ճիշտ ժամանակը գոյություն ունի, որը շատ չի ուշանա»։
Կարդացեք նաև
Տաթև ՀԱՐՈՒԹՅՈՒՆՅԱՆ
