Էկոնոմիկայի նախարար Գևորգ Պապոյանը, կիսվելով Լիդիան Արմենիայի գործարկման հետ կապված ԱՄՆ դեսպանատան հայտարարությամբ, հետևյալ գրառումն էր արել. «Մինչ ոմանք ոռնում են տնտեսական հաջողություններից, հերթական խոշորագույն ներդրումային ծրագիրը շուտով կմեկնարկի։ Շունը հաչում է, քարավանը` գնում»:
«Մարդիկ իրենց կենսատարածքն ու առողջ ապրելու իրավունքն են տարիներով պաշտպանել ու պաշտպանում. էս նախարար կոչվածն էլ իրեն էսպիսի արտահայտություններ ա թույլ տալիս»,- ֆեյսբուքյան էջում արձագանքել է բնապահպան Թեհմինե Ենոքյանը:
Իսկ բնապահպան Օլեգ Դուլգարյանը ֆեյսբուքյան էջում հարցրել էր. «Տեսնես, ովքեր են նախարարի պատկերացմամբ հաչող շները, այն երկրի, որը իրեն նախարար է նշանակել»:
Քննադատություններից հետո Պապոյանը հեռացրել է գրառումը:
