Համագումարի հայտարարությունը Սումգայիթյան ջարդերի 37-րդ տարելիցի կապակցությամբ, որոնք իրականացվեցին Ադրբեջանի կողմից հայ ժողովրդի դեմ՝ մինչ Ցեղասպանության շրջանը շարունակվում է
Ամերիկայի հայկական համագումարը (Համագումար) հիշում է Սումգայիթյան ջարդերի 37-րդ տարելիցը, որը դաժանորեն ծրագրված և իրագործված ջարդ էր Ադրբեջանի տարածքում Կասպից ծովի ափամերձ մի քաղաքի՝ Սումգայիթի հայ բնակչության դեմ։
Խաղաղ հայ ժողովրդի նկատմամբ բռնությունները սանձազերծվեցին 1988թ.-ի փետրվարի 27-ին և շարունակվեցին մինչև 1988թ.-ի մարտի 1-ը, մինչ ոճրագործները՝ զինված հայ բնակիչների հասցեներով, երեք օրվա ընթացքում սպանեցին, հարձակումների ենթարկեցին, ծանր վիրավորեցին, վանդալիզմ իրականացրեցին և թալանեցին։ Այս ջարդը լայնորեն լուսաբանվեց հիմնական լրատվամիջոցներում, սակայն Ադրբեջանի կողմից պետականորեն հովանավորվող բռնության մոդելը սրվեց, և 1980-ականների վերջին և 1990-ականներին Բաքվում, Կիրովաբադում և Մարաղայում լրացուցիչ ջարդեր իրականացվեցին:
Կարդացեք նաև
Հակահայկական անկարգությունները ադրբեջանցիների բռնի արձագանքն էին՝ ընդդեմ արցախահայերի ինքնորոշման օրինական ձգտումների, որին աջակցում էին մարդու իրավունքների պաշտպաններն ամբողջ աշխարհում: Հայ ժողովրդի դեմ իրականացված էթնիկ զտումը իր դաժան ավարտին հասավ 2020թ․-ի սեպտեմբերին՝ 44-օրյա պատերազմի ընթացքում Արցախի վրա Ադրբեջանի չարդարացված հարձակման ժամանակ, որին հաջորդեց արցախահայության բռնի կերպով վտարումն իրենց պապենական հողերից՝ 2023թ․-ի սեպտեմբերին դաժան շրջափակումից հետո։
Մինչ Ամերիկայի հայկական համագումարը հիշում է Սումգայիթյան ջարդերի 37-րդ տարելիցը և 1988-1990թթ․-ին բոլոր ջարդերի ընթացքում կորսված կյանքերը, այն դատապարտում է Ադրբեջանի շարունակական թշնամանքը, ինչպես նաև հայ ռազմագերիների, քաղաքացիական անձանց և պետական պաշտոնյաների շարունակվող անօրինական կալանավորումը: Համագումարը կոչ է անում միջազգային հանրությանը պատասխանատվության ենթարկել Ադրբեջանին՝ տասնամյակներ շարունակ մարդկության դեմ հանցագործություններ իրագործելու համար, և հորդորում է ամերիկահայերին կապ հաստատել իրենց ԱՄՆ կոնգրեսականների հետ՝ հակահայկական ջարդերի վերաբերյալ հայտարարություն անելու համար:
Ամերիկայի հայկական համագումարը հիմնադրվել է 1972 թվականին: Այն ամենամեծ համազգային, անկուսակցական, հասարակական կազմակերպությունն է Վաշինգտոնում, որն օժանդակում է հայկական հարցերի ճիշտ ըմբռնմանն ու լուսաբանմանը: Համագումարը 501(c)(3) կարգավիճակով հարկերից ազատված անդամակցական կազմակերպություն է:
Ամերիկայի հայկական համագումար
