«Ակնհայտ է, որ Ռուբեն Վարդանյանը խոշտանգված է, արդեն իններորդ օրն է՝ նա հացադուլի մեջ է»,- ՀՀ ԱԳՆ-ի դիմաց ի աջակցություն Բաքվում պահվող հայ ռազմագերիների անցկացված բողոքի ցույցի ժամանակ հայտարարեց «Ժողովրդավարություն եւ արդարադատություն» հ/կ նախագահ Նաիրա Զոհրաբյանը։
Նա նշեց՝ Արցախի քաղաքական էլիտան պատանդառված է, քանի որ Ալիևի նպատակը մեկն է՝ ցուցմունքներ կորզելով հասնել նրան, որ միջազգային ատյաններում ՀՀ-ին ճանաչեն ռազմական հանցագործ․ «Լսում եմ ցինիկ հայտարարությունները ՔՊ-ական պատգամավոր Անդրանիկ Քոչարյանի, որն ասում է՝ նրանք սխալ են արել, որ գերեվարվել են։ Իսկ դուք լավ գիտեք՝ նրանք ոնց են գերեվարվել։ Հակարի կամրջին պահել են 20-ից ավելի արցախցիների՝ ասելով, եթե Արցախի քաղաքական էլիտան չգա, չհանձնվի, նրանց բոլորին ոչնչացնում ենք։ Հասկանում եմ, որ Անդրանիկ Քոչարյանը կասեր՝ 120 հազար արցախցիների թեկուզ մորթեք, ես անցնելու եմ սահմանը։
Նայում եմ մեղադրանքներին, որ առաջադրել են Արցախի քաղաքական էլիտային․ նրանցից յուրաքանչյուրին 42-ից ավել մեղադրանք է առաջադրված Ադրբեջանի քրեական օրենսդրությամբ, որոնցից գոնե Ռուբեն Վարդանյանի, Բակո Սահակյանի, Արկադի Ղուկասյանի դեպքում 7-8-ը ենթադրում է ցմահ ազատազրկում»։
Կարդացեք նաև
Տաթև ՀԱՐՈՒԹՅՈՒՆՅԱՆ
