«Հետագայում պետությունը սոցիալական կրեդիտների համակարգը դարձնելու է ավելի թիրախային, մեծացնելու է դրանց չափը՝ ըստ մեր տնտեսության զարգացման, բայց ինչպե՞ս պետք է անի, սա է հարցը: Ինչո՞ւ ենք մենք հայտարարագիր լրացնում, որ պետությունը տեսնի՝ ո՞վ է այն քաղաքացին, որն առավել կարիք ունի այս սոցիալական կրեդիտների: Սա ծախսերի վերադարձ է, հավելյալ հնարավորություն, որ անձը ծախսի իր առողջության եւ իր զարգացման վրա, բայց դա պետք է լինի թիրախային, ոչ թե՝ համատարած եւ ոչ արդյունավետ,- «Արմենպրեսի» մամուլի սրահում կայացած ասուլիսում նշեց առողջապահության նախարար Անահիտ Ավանեսյանը՝ խոսելով համընդհանուր հայտարարագրից եւ սոցիալական ծախսերի փոխհատուցումից:
«Այս ամենն իրականացնելու համար նախ պետք է սկսենք համընդհանուր հայտարարագրման գործընթացը: Առաջին փուլով 50 հազար դրամով հնարավոր է ձեռք բերել ապահովագրական փաթեթ, որը շատ կարեւոր առաջին քայլն է: Չունենալ ոչինչ եւ ունենալ ծախսեր ու ծախսային բեռ, որը շատ դեպքերում անտանելի է, եւ ունենալ 50 հազար դրամի շրջանակներում փաթեթ, որի արժեքը պետությունն, ըստ էության, վերադարձնելու է, մեծ ձեռքբերում է:
Այնպես որ, քայլ առ քայլ, հիմնվելով հայտարարագրման համակարգի վրա՝ պետությունը շարունակաբար ընդլայնելու է սոցիալական կրեդիտների շրջանակը: Բայց դա անելու է թիրախավորված՝ ճանաչելով իր հասցեատիրոջը»,- ասաց նախարարը։
Մանրամասն՝ տեսանյութում.
Կարդացեք նաև
Գոհար ՀԱԿՈԲՅԱՆ
