«Երբ հիմա խոսում ենք վերահսկողության և մոնիտորինգի մասին, տեսնում ենք, որ հարուստ քաղաքացիները մեքենաները գրանցում են երրորդ անձանց անունով և շարունակում են վարել։ Երբ այդ անձը զրկվում է վարորդական վկայականից, մեկ այլ անձի անունով են գրանցում։ Սրանով այն արատավոր երևույթը, որի դեմն ուզում էինք առնել՝ չի վերացել»,- Պաշտպանության եւ անվտանգության հարցերի մշտական հանձնաժողովի նիստի ժամանակ հայտարարեց ՀՀ ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը (լուսանկարում)։
Նա հիշեցրեց՝ բալային համակարգը, երբ ներդրվեց 2019-ի տարեվերջին, դրա գաղափարախոսությունը հետևյալն էր, որ ունենք հարուստ վարորդներ, որոնք խախտում են կատարում, տուգանք են մուծում և վարում․ «Հիմա էլ օրենքը խախտում են, փողը տալիս, քշում են և անարգել կարողանում են շարունակել վարել, և իրենց համար խնդիր չէ, որ տարեկան 1-3 միլիոն դրամ տուգանք են վճարում։ Ուստի որոշվեց ներդնել բալային համակարգը, որ մեր հարուստ քաղաքացիները, որոնք իրենց գումարների հաշվին կարողանում էին խախտումներ անել ու վարել, որ կաշկանդված լինեին, քանի որ ունեին սահմանափակ միավորներ»։
Հայկ Սարգսյանը հարցրեց՝ ի՞նչ պետք է անենք, որ նաև այս մարդկանց դեմն առնենք ու միևնույն ժամանակ նշեց․ «Ես էլ ունեմ ընկերներ, որոնք ամեն շաբաթ կատարում են խախտումներ, միշտ պարեկային ծառայության աշխատակիցների հետ խնդիրներ են ունենում, անընդհատ նրանց խմածությունն են ստուգում և ունեմ ընկերներ, ում ընդհանրապես պարեկային ծառայությունը չի կանգնեցնում, ու նրանց բալերը չեն պակասում»։
Կարդացեք նաև
Տաթև ՀԱՐՈՒԹՅՈՒՆՅԱՆ
