«Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
«Մեր արյունը թափեցինք մարտի դաշտում։ Եթե հողերը վերադարձվեին բանակցությունների միջոցով, ես այդքան ուրախ ու հպարտ չէի լինի։ Դա ինչ-որ խղճահարության պես բան կլիներ: Հայի հանդիպելիս կասեին՝ աղաչեցիք, խնդրեցիք, հետ տվեցինք։ Բայց ճակատամարտը մենք հաղթեցինք, հայի արյուն թափեցինք, մեր վրեժը լուծեցինք։ Այսօր մենք հպարտությամբ ենք ապրում, որ հաղթանակած պետության քաղաքացիներ ենք։ Սրանից լավ ի՞նչ կարող է լինել․․․»։
Սրանք Ադրբեջանի իշխող ուժի պատգամավոր Էլման Մամադովի խոսքերն են։
Հենց այսպես էլ հայի արյուն թափելուց պետական մակարդակով հրճվելով ու հաճույք ստանալով մեզ ասում են հրաժարվեք միջազգային դատական հայցերից, ձեր իրավունքներից, որ մենք ձեզ հանգիստ ու անհիմն կոչենք «ֆաշիստական» պետություն, իսկ մեր՝ պետական մակարդակով քարոզվող քսենոֆոբիային բան ասող չլինի…
