Ավագանու «Մայր Հայաստան» խմբակցության անդամներն այսօր կրկին «Երեւանի ավտոբուս» ՓԲԸ են գնացել՝ այս անգամ համացանցում հայտնված սկանդալային ձայնագրությունների հետքերով:
«Այդ ձայնագրություններում կար լկտի արտահայտություն մեր քաղաքացիների հասցեին, վարորդներին հրահանգում են՝ եթե թուլեքը չեն վճարում, ասեք՝ թող իջնեն, իրենց պապաներին ասեն գումար տան, որ վճարեն, կարողանան դասի գնալ այդ լակոտները: Ով քաղաքացիներին, մեր բարեկամներին, երեւանցուն կասի թուլա, ես «Ավտոբուս» ՓԲԸ- ի դիմացի տարածքից ասում եմ՝ ձեզնից լավ թուլա գոյություն չունի: 9 տոկոսանոց ոչ լեգիտիմներ, խելքի եկեք»,- ասաց Գեւորգ Ստեփանյանը:
Նա նկատեց, որ իշխանությունները լրիվ չափերն անցել են. «Մեկի մայրը քաղաքացիներին միջնամատ է ցույց տալիս, մյուսի հայրը ասում է համբալ, մեկը թքում է քաղաքացու վրա, հիմա էլ թուլա, լակոտ»:
Ավագանու անդամները փորձեցին նաեւ հանդիպել «Երեւանի ավտոբուս» ընկերության ղեկավարության հետ՝ պարզաբանելու, թե այդ ինչեր են իրենց թույլ տվել քաղաքացիների հասցեին: Բայց նրանց չհաջողվեց հանդիպել, դարպասները փակ էին, իսկ իրենց հարցերին պատասխանելու համար «Երեւանի ավտոբուս» ՓԲԸ-ի որեւէ աշխատակից դուրս չեկավ:
Կարդացեք նաև
Արփինե ՍԻՄՈՆՅԱՆ
