ԱԺ «Իմ քայլը» խմբակցության պատգամավոր Մարիա Կարապետյանի ֆեյսբուքյան գրառումը
Արիություն ունեցեք կանգնել Հայաստանի առաջին նախագահի կողքին։
Մեզ հաճախ են ասում՝ բանակցությունների սեղանին դրված ցանկացած տարբերակ ավելի լավն է, քան այսօրվա իրավիճակը։ Անշուշտ։ Դրա պատճառներից մեկը այն է, որ Ադրբեջանն է մերժել այն տարբերակները, որոնց համաձայնել է Հայաստանը։ Դրա պատճառներից մյուսն էլ այն է, որ Հայաստանում այդ տարբերակների ճշմարիտ բովանդակության կողքին երկրի ղեկավարներից բացի ոչ ոք չի կանգնել։ Բացառությամբ մի մարդու։ Առաջին նախագահի գլխավոր խորհրդական Ժիրայր Լիպարիտյանի, որը Լեռնային Ղարաբաղի բանակցությունների հարցում Հայաստանի առաջին նախագահ Լևոն Տեր-Պետրոսյանի համար անձամբ էր մշակում տեքստերը և բանակցում միջնորդ երկրների ներկայացուցիչների հետ։
2005 թվականի մի հոդվածում նա գրում է․
Կարդացեք նաև
«Հայաստանի նախագահ Լևոն Տեր-Պետրոսյանը վերանայել էր իր մոտեցումները Ղարաբաղյան խնդրի նկատմամբ այն ժամանակների համեմատ, երբ ինքը Ղարաբաղ կոմիտեի ղեկավարներից էր և Ղարաբաղի՝ Հայաստանի հետ վերամիավորման կողմնակիցը։ Նրա նախագահության օրոք Հայաստանի կառավարությունը որդեգրեց մի մոտեցում, ըստ որի հարցը սահմանվում էր որպես Լեռնային Ղարաբաղի անվտանգության խնդիր և ինքնորոշման իրավունք, ինչն անհրաժեշտաբար չէր ենթադրում անկախություն կամ վերամիավորման նպատակներ, որոնք չեն վայելում միջազգային հանրության հավանությունը։ Տեր-Պետրոսյանը ձգտում էր մի այնպիսի փոխհամաձայնության, որի դեպքում հայկական կողմը կհամաձայներ Ղարաբաղի՝ իրավական առումով Ադրբեջանի կազմում լինելուն։ Ադրբեջանն իր հերթին պետք է համաձայներ այնպիսի մի կարգավիճակի, որը կլիներ ավելին, քան մինչև 1988 թվականը ԼՂԻՄ-ի հետ ունեցած անվանական ինքնավարությունը, սակայն մեկ նիշով անկախությունից ցածր»:
Ես երբևէ չեմ լսել, որ Հայաստանի առաջին նախագահը ասի, թե Ժիրայր Լիպարիտյանը ստում է իր մասին։ Չի ասի, որովհետև թերևս միակ մարդն է, որ կանգնել է իր կողքին։
