Վերջերս Աննա Հակոբյանը ֆեյսբուքում գրառում էր կատարել ՀՀ դիվանագետների մասին՝ նրանց բնութագրելով որպես «քայլող, խոսող, շնչող-արտաշնչող մի մեծ բարդույթ։ Անվստահ, միշտ շփոթված, առանց հստակ պատկերացման, հստակ տեսլականի»։ Ավելի ուշ նա հեռացրել էր իր այդ գրառումը:
«Հայելի» ակումբում կայացած ասուլիսում թեմային անդրադառնալով՝ վավերագրող, հանրային գործիչ Հովհաննես Իշխանյանը ցավ հայտնեց, որ Նիկոլ Փաշինյանի կինը վիրավորում է դիվանագետներին՝ իր ձեւակերպմամբ մեզ համար կարեւոր, վճռական իրադարձությունների շրջանում, սակայն ՀՀ արտգործնախարարությունը հրաժարվում է մեկնաբանել:
«Այս 7 տարվա պատմության մեջ ՀՀ արտգործնախարարության այս պատասխանը պարզապես «կռուտիտ» է, շրջանցում , որպեսզի ուղիղ պատասխան չտրվի…Մեր Արտաքին գործերի նախարարությունը կարող էր, չէ՞, գոնե ասել՝ մեզ համար անընդունելի է , որ Հայաստանի դիվանագետներին վիրավորում են, բայց նույնիսկ այս նախադասությունը ասելը Հայաստանում վախենալու է դարձել:
Պատկերացնո՞ւմ եք՝ ուր ենք հասել, որ արտգործնախարարությունը չի կարողանում պաշտպանել իր դիվանագետներին, որովհետեւ, եթե իր դիրքորոշումն արտահայտի, կարող է պարզվել, որ ինչ-որ մեկը Մարսի վրա առանձնատներ ունի, կամ մյուսը Մերկուրիի վրա ապօրինի գազի հանքեր ունի »,-ասաց Հովհաննես Իշխանյանը:
Կարդացեք նաև
Գոհար ՀԱԿՈԲՅԱՆ
