«Պետք է արձանագրենք, որ պարոն Աշոտյանի նկատմամբ քաղաքական հետապնդում է տեղի ունենում, և օգտագործվում են իշխանության բոլոր լծակները, որ լռեցվեն բոլոր ընդդիմադիր գործիչները, որոնք խոսում ենք հայկական օրակարգի վերականգնման մասին»,-ՀՀԿ փոխնախագահ Արմեն Աշոտյանի գործով դատական նիստից հետո լրագրողների հետ զրույցում ասաց ՀՀԿ երիտասարդական կազմակերպության նախագահ Հենրիխ Դանիելյանը։
Ըստ նրա՝ Արմեն Աշոտյանի գործով դատական նիստերն ապացույցն են նրա, որ որևէ գործ գոյություն չունի․ «Կա միայն Աշոտյանին լռեցնելու գործընթաց, որը միտված է սահմանափակել այն քաղաքական գործիչներին, որոնք վերլուծում էին իրականությունը և բացահայտում Նիկոլ Փաշինյանի ստերը։ Այդ՝ լռեցնելու գործընթացը տապալվել է, և Արմեն Աշոտյանի գործով միջազգային շատ կառույցներ անդրադարձել ու արձանագրել են, որ նա քաղբանտարկյալ է։ Մենք տեսնում ենք, որ ՀՀ-ում չկա խոսքի ազատություն, չկա ժողովրդավարություն։ Նիկոլ Փաշինյանը բոլորին խաբել է բոլոր ուղղություններով՝ սկսած անվտանգությունից, վերջացրած դիվանագիտական հաղթանակները, որոնք խոստանում էր և նաև ժողովրդավարության կեղծ բաստիոնով»։
Տաթև ՀԱՐՈՒԹՅՈՒՆՅԱՆ
