Aravot.am-ի տեղեկություններով, փետրվարի 21-ին Մասիսի քննչական բաժնից ստացվել է քրեական վարույթ նախաձեռնելու մասին արձանագրության պատճենը, որի համաձայն՝ 2022թ. սեպտեմբերի 30-ին Խ.Բ.-ն ընդունվել է աշխատանքի Սայաթ-Նովա գյուղի միջնակարգ դպրոցում՝ որպես ֆիզկուլտուրայի ուսուցիչ, սակայն մեկ տարի անց նրան ազատել են աշխատանքից:
Ըստ նույն աղբյուրի, 2024թ. հունվարի 22-ին Խ. Բ.-ն դիմել է դատարան և անվավեր է ճանաչվել գործատուի կողմից իրեն աշխատանքից ազատելը: Դատական վճիռը չի բողոքարկվել, սակայն դպրոցի տնօրենը չի կատարում դատական վճռի պահանջը: Փաստի առթիվ Մասիսի քննչական բաժնում քրեական վարույթ է նախաձեռնվել:
