Aravot.am-ի տեղեկություններով, փետրվարի 22-ին ՀՀ ՆԳՆ ոստիկանությունից գրությամբ ստացվել է ՀՀ ԿԳՄՍ նախարար Ժաննա Անդրեասյանի դիմումը, որ ՀՀ Արագածոտնի մարզի պատմության և մշակույթի հուշարձանների պետական ցուցակում ընդգրկված եւ Աշտարակ համայնքում հաշվառված մթա 8-7 դդ թվագրվող Ջրանցք «Մայր առու» («Ականատեսի առու») հուշարձանի տարածքում խախտելով օրենքի պահանջները՝ առանց լիազոր մարմնի հետ համաձայնեցման, 2024թ. դեկտեմբեր ամսից սկսած կատարվել են ամրակայման աշխատանքներ՝ բետոնապատելով առվի հունը:
Պարզվել է, որ շինաշխատանքները կատարել է «ՄԵԴԻՍՈՆ ԷՅԲԼ» ՍՊԸ-ն: Կազմված փաստաթղթերն ուղարկվել են ՀՀ ՔԿ Արագածոտնի մարզային քննչական վարչություն:
Նշենք, որ Աշտարակում շատ են հայ արվեստի նշանավոր հուշարձանները, իսկ բրոնզի եւ երկաթի դարերին վերաբերող նյութերն ապացուցում են Աշտարակի հին բնակավայր լինելը։
Լուսանկարում՝ Աշտարակի կախովի կամուրջը
