Մահացել է ՌԴ նավատորմի փոխծովակալ Բագրատ Ռաֆայելի Կնյազչյանը, հայտնում է Ռուսաստանի հայերի միությունը։
Բագրատ Կնյազչյանը ծնվել է 1933 թվականի ապրիլի 29-ին՝ Կիրովաբադում։ 1977 թվականին Կնյազչյանը նշանակվել է ԽՍՀՄ Ռազմական խորհրդի անդամ և նավատորմի հրամանատարի տեղակալ։
1989 թվականի նոյեմբերին տեղափոխվել է Մոսկվա և նշանակվել նավատորմի լոգիստիկայի շտաբի պետի տեղակալի պաշտոնում՝ կազմակերպչական, մոբիլիզացիոն և կադրային աշխատանքների համար։
1993 թվականին հրաժարական է տվել, զբաղվել վետերանների խնդիրներով։ 2002 թվականի փետրվարից մինչև 2023 թվականի մայիսը Ռուսաստանի վետերանների միության փոխնախագահն էր։
