Գերմանիայի հավանական ապագա կանցլերն ու Թուրքիան
Իշխանամետ «Türkiye» թերթը նշում է, որ ընտրություններում հաղթած Ֆրիդրիխ Մերցը հայտնի է Եվրամիությանը Թուրքիայի անդամակցության հարցում դեմ դիրքորոշմամբ։
Իր նախընտրական ծրագրում արված հայտարարություններում Մերցն ընդգծել էր, որ «Թուրքիան կարևոր գործընկեր է, որը պահպանում է իր ռազմավարական նշանակությունը Եվրոպայի համար։ Սակայն ստեղծված իրավիճակում այն հեռացել է ԵՄ արժեհամակարգից, ուստի հնարավոր չէ, որ դառնա միության անդամ»։
Միաժամանակ նա հայտարարում է՝ «Թուրքիան Գերմանիայի համար կարևոր գործընկեր է և՛ տնտեսական, և՛ քաղաքական առումով։ Որպես ՆԱՏՕ-ի անդամ՝ Թուրքիան մեծ դեր է խաղում տարածաշրջանային անվտանգության մեջ։ Սակայն առայժմ ոչ Եվրոպան, ոչ էլ Թուրքիան իսկապես չեն ցանկանում Թուրքիայի անդամակցությունը ԵՄ-ին: Սա չի նշանակում, որ մենք չենք կարող համագործակցել: Ընդհակառակը, մենք պետք է ավելի ամրապնդենք մեր հարաբերությունները»։
Կարդացեք նաև
«Թուրքիան այսօր» լրատվական ալիք
