Միայն Աստված է բացարձակ ճշմարտություն, միակը, ով կատարյալ է, իսկ եթե ունենայինք կատարյալ իրավիճակ, միգուցե մենք մահկանացու չէինք լինի
Ամեն օր ստիպված ես ամենքի հետ քննարկելու իրենց ճշմարտության տարբերակը, իսկ բոլոր նրանք, ովքեր բացառապես մի կողմին են լսում, հասնում են այնպիսի փակուղիների, որոնցից շատ անգամ անհնար է լինում հետդարձը:
Ու ազգիս ողբերգությունն այն է, որ այս մոտեցումը համարում է լարախաղացություն ու պատեհապաշտություն՝ կեղծավորություն:
Ոչ, պարոնայք, սա անբարոյականություն չի, այլ խոհեմություն մի ոլորտի մեջ (քաղաքականության աշխարհ), որտեղ չկան հրեշտակներ ու սատանաներ՝ չար ու բարի, սեւ ու սպիտակ:
Կարդացեք նաև
Ուր չկա անգամ ամենաառաջադեմ, ժողովրդավար, թափանցիկ կարգավիճակ ունեցող (սկզբունքով), անգամ ծիածան, այլ ամեն ինչ ամպամած է, մոխրագույնի ու սրճագույնի մի խառնուրդ է:
Այն ազգերում, որտեղ ամեն կողմ ներկայացնում է իր գույնը՝ վառ, վարդագույն, իսկ դիմացինը իր հրեշային տարբերակը՝ հասարակությունը կարող է մոլորվել, սակայն սա հանգեցնելու է հիասթափության ու շփոթության, որտեղ քաղաքական դաշտը վերածվելու է անհետաքրքիր հասարակության համար, որն էլ դառնում է անտարբեր ու չվստահող: Ու այդ դեպքում անհնար է ժողովրդին մեղադրել:
Չկա վատ աշակերտ, կա վատ ուսուցիչ:
Չկա վատ զինվոր, կա վատ հրամանատար:
Պետրոս ՄԱՆՈՒԿՅԱՆ
«Առավոտ» օրաթերթ
22.02.2025
Լուսանկարը համացանցից. ստեղծված է արհեստական բանականության միջոցով:
