«Հայաստանում քաղաքական գործընթացների ընդհանուր տրամաբանությունը վաղուց խախտված է, եւ այս իրավիճակում խոսել ժողովրդավարությունից մարդու իրավունքներից, խոսքի ազատությունից, ուղղակի ծիծաղելի է։ Մենք գործ ունենք դասական բռնապետության կամ կամայականություններով առաջնորդվող իշխանությունների հետ, որից ամեն ինչ սպասելի է»,- լրագրողներին ասաց ՀՀԿ գործադիր մարմնի անդամ Արտակ Զաքարյանը՝ անդրադառնալով Էդգար Ղազարյանի նկատմամբ քրեական հետապնդմանը։
Ըստ նրա՝ ոչ մի բացատրություն չկա, թե Էդգար Ղազարյանն ինչ գործ ունի դատարանի դահլիճում։ «Եթե Էդգար Ղազարյանին քրեական հետապնդման են ենթարկում ինչ-որ խոսքի համար կամ խոսքի ազատության համար, ուրեմն մեր ժողովրդի մեծամասնությունը հենց այդ խոսքի ազատության կամ իշխանության ներկայացուցիչների հասցեին արվող հայտարարությունների համար երեւի թե պետք է հայտնվի նույն վիճակում։ Այսինքն՝ բոլորի նկատմամբ պետք է գործեր հարուցվեն։ Եթե հասարակության մեծ մասի կարծիքն այսօր լսելի լինի, ապա որեւէ լավ հետեւություն իշխանությունն իր համար չի կարող անել, արդեն մարդկանց համբերության բաժակը լցվել է, մարդիկ այլեւս չեն ցանկանում կերակրվել ստով ու կեղծիքով, մարդիկ ուզում են ապրել մի երկրում, որն անվտանգ է ու ապահով»,- հավելեց Արտակ Զաքարյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
