Vatican News – Սուրբ Աթոռի մամլոյ գրասենեակը Շաբաթ` 22 Փետրուարի երեկոյեան ժամը 7,15 ժամանակները հրապարակեց` Ֆրանչիսկոս Պապին առողջական վիճակին հայող նոր հաղորդագրութեան մը որուն մէջ գրուած է հետեւեալը.
«Սրբազան Պապին առողջական պայմանները կը շարունակեն մնալ բարդ, եւ այնպէս ինչպէս բացատրուեցաւ երէկ, Ան վտանգէ դուրս չէ։ Այս առաւօտուն Ֆրանչիսկոս Պապը ունեցաւ ազգամդիք շնչառական երկար տագնապ մը, որ պահանջեց բարձր հոսքի թթուածնի կիրառում։
Այսօրուայ արեան քննութիւնները բացայայտեցին թրոմբոցիտոպենիա՝ կապուած սակաւարիւնութեան հետ, որ պահանջեց արեան փոխներարկում։ Սրբազան Հայրը կը շարունակէ արթուն ըլլալ եւ օրը անցուց բազկաթոռի վրայ, նոյնիսկ եթէ աւելիով կը տառապէր երեկուայ բաղդատութեամբ։ Առ այժմ կանխատեսումը կը մնայ զգուշաւոր վերապահութեամբ»։
