«Քննությունն ավարտվեց, բայց, ցավոք սրտի, պետք է որոշ ժամանակ էլ սպասենք: Վաղը՝ կիրակի առավոտյան ժամը 10-ին է լինելու որոշման հրապարակումը, բավական հետաքրքիր նիստ էր: Բովանդակության հետ կապված՝ կարծում եմ ճիշտ կլինի, որ որոշումը ստանալուց հետո ներկայացնենք»,- լրագրողների հետ զրույցում ասաց իրավապաշտպան Ռուբեն Մելիքյանը՝ խոսելով Էդգար Ղազարյանի գործով դատական նիստի մասին:
«Բովանդակային առումով հետաքրքիր քննարկում էր, մենք ներկայացրինք ողջ լրջությունը այս քրեական հետապնդման, որ անհատի նկատմամբ քրեական հետապնդումից զատ՝ լրիվ նոր տեսակի քրեական հետապնդում է խոսքի ազատության նկատմամբ: Այստեղ մեղադրյալի աթոռին ոչ միայն եւ ոչ այնքան Էդգար Ղազարյանն է, որքան խոսքի ազատությունը մեր երկրում: Մեծ հույս ունենք, որ դատարանը հաշվի կառնի մեր կողմից ներկայացված փաստարկները»,- հավելեց իրավապաշտպանը:
Հիշեցնենք, որ «Հինգ իրավապաշտպանների նախաձեռնությունը» Էդգար Ղազարյանի առաջարկությամբ եւ համաձայնությամբ ստանձնել է նրա պաշտպանությունը:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
