«Ես այստեղ եմ որպես ՀՀ քաղաքացի, որովհետեւ ցանկացած մտածող մարդու համար տեղի ունեցող այս եւ սրան նախորդած այլ իրադարձություններ պետք է լինեն յուրահատուկ զանգ սթափության եւ միեւնույն ժամանակ նախազգուշացնող կոչնակներ, որոնք ստիպում են հասկանալ, որ մենք գործ ունենք Հայաստանում առաջին հերթին խորացող ամբողջատիրության, բռնատիրության, տոտոլիտարիզմի հետ»,-դատարանի մուտքի մոտ, որտեղ ընթանում էր Էդգար Ղազարյանի գործող դռնփակ նիստը, լրագրողների հետ զրույցում նշեց թուրքագետ Վարուժան Գեղամյանը:
«Դա առաջին հայացքից միշտ չէ, որ նկատելի է, բայց երբ դեպքերն իրար ես միացնում, վերլուծում ես, հասկանում ես, որ իրոք գործ ունես հաստատվող ավտորիտար համակարգի հետ: Ուստի որպես քաղաքացի՝ ես չեմ ուզում ապրել մի երկրում, որտեղ ավտորիտարիզմ է, դրա համար այստեղ եմ»,-հավելեց թուրքագետը:
Նրա ձեւակերպմամբ, այդտեղ լինելը կարեւոր է, որովհետեւ Էդգար Ղազարյանի արտահայտած հիմնաքարային մտքերը առնչվում են Հայաստանի ազգային անվտանգությանը, Հայաստան-Թուրքիա հակամարտությանը, Հայաստան-Ադրբեջան հակամարտությանը, Արցախյան հիմնահարցին եւ այլ հարակից խնդիրներին:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
