Sputnik Արմենիա – Մոսկվայում «Արբատ» գումարտակի հիմնադիր Արմեն Սարգսյանի սպանության գործով հետաքննության շրջանակներում Հայաստանի երկու քաղաքացի է բերման ենթարկվել, հայտնում է RT-ն։
▫️Նրանք են՝ 44-ամյա Արման Պ.-ն և 61-ամյա Հրաչյա Պ.-ն, ովքեր ծնվել և մեծացել են Վաղարշապատում։ Նրանցից մեկը միջազգային դասի պարող է, իսկ մյուսը վարսավիր էր Խիմկիում։
▫️Ավելի վաղ լրատվամիջոցները գրել էին, որ պայթուցիկ սարքը գործի է դրել վաղարշապատցի 58-ամյա Պարույր Մ.-ն։ Նշված երկու ձերբակալվածները նրա հետ հանդիպել էին պայթյունից քիչ առաջ՝ ընդհանուր ընկերոջ ծննդյան խնջույքին։
▫️Ո՛չ ձերբակալվածներից, ո՛չ էլ պայթուցիկը գործի դրած անձը (մահապարտ-ահաբեկիչը.- խմբ․) հետախուզման մեջ չեն եղել Ռուսաստանում կամ Հայաստանում, պարզել է RT-ն։ Բնակելի համալիրում տեղի ունեցած պայթյունի հետ կապված ՀՀ քաղաքացիների բերման ենթարկելու մասին իրավապահ մարմիններից ոչ մի տեղեկություն չի ստացել Մոսկվայում ՀՀ դեսպանությունը։
Կարդացեք նաև
▫️Նման անուններով անձանց ձերբակալության մասին տեղեկություն չկա նաև Մոսկվայի դատարանների բազայում։ ՌԴ Քննչական կոմիտեն հայտարարել է, որ առայժմ չեն մեկնաբանի «Ալ առագաստներ»-ում տեղի ունեցած սպանության հետաքննության ընթացքը։
